లబ్ధిదారులకు సీఎం సహాయనిధి చెక్కుల పంపిణీ

వరంగల్​ గ్రామీణ జిల్లా పరకాలలో ఎనిమిది మంది లబ్ధిదారులకు సీఎం సహాయనిధి చెక్కులను పంపిణీ చేశారు. రూ. 1,18,500 విలువైన చెక్కులను ఎమ్మెల్యే చల్లా ధర్మారెడ్డి హన్మకొండలోని ఎమ్మెల్యే నివాసంలో అందజేశారు.

వరంగల్​ గ్రామీణ జిల్లా పరకాల నియోజకవర్గంలోని ఆత్మకూర్​, దామెర, గీసుకొండ మండలాల్లోని పలువురు వ్యాధి బారిన పడి చికిత్స చేయించుకున్న వారికి స్థానిక ఎమ్మెల్యే చల్లా ధర్మారెడ్డి ముఖ్యమంత్రి సహాయ నిధి చెక్కులను పంపిణీ చేశారు. మొత్తం 8 మంది లబ్ధిదారులకు నిధులను అందజేసినట్లు ఎమ్మెల్యే వివరించారు.

గురువారం హన్మకొండలోని ఎమ్మెల్యే నివాసంలో లబ్ధిదారులకు రూ. 1,18,500 విలువైన చెక్కులను అందజేశారు. రాష్ట్రవ్యాప్తంగా నిరుపేదలకు అండగా సీఎం సహాయనిధి నిలుస్తోందన్నారు. తెల్ల రేషన్​ కార్డు కలిగి ఉన్ ప్రతి ఒక్కరు సీఎం సహాయనిధికి దరఖాస్తు చేసుకునేందుకు అర్హులేనని ఎమ్మెల్యే వివరించారు. తెలంగాణలో సంక్షేమ పథకాలు అందని ఇళ్లు లేదని.. ఏదో విధంగా ప్రజలందరూ ప్రభుత్వం తరపున లబ్ధి పొందుతున్నారన్నారు.

ఇవీ చూడండి: ఎంత మందికి కరోనా సోకినా చికిత్స అందించడానికి సిద్ధం: మంత్రి ఈటల