సాగునీటి కోసం రోడ్డెక్కిన రైతులు

పంటలకు సాగునీరు విడుదల చేయాలని వనపర్తి జిల్లా పాన్​గల్ మండలంలోని పలు గ్రామాల రైతులు ధర్నాకు దిగారు. నీరు లేక చేతికందొచ్చిన పంట ఎండిపోతోందని ఆవేదన వ్యక్తం చేశారు.

వనపర్తి జిల్లా పాన్​గల్​ మండలం కేతపల్లి, బండపల్లి, తెలరాళ్లపల్లి గ్రామాల రైతులు సాగు నీటి కోసం ధర్నాకు దిగారు. గ్రామాల్లో పంటపొలాలకు నీరందడం లేదని... చేతికందొచ్చిన పంట ఎండిపోతోందని అన్నదాతలు ఆవేదన వ్యక్తం చేశారు.

బీమా, కేఎల్​ఐ కాలువల కింద సుమారు నాలుగువేల ఎకరాల పంట మాడిపోతోందన్నారు. చివరిదశలో ఉన్న పంట పశుగ్రాసంగా మారిపోతోందని ఆవేదన వ్యక్తం చేశారు. వెంటనే కాలువలకు నీటిని విడుదల చేయాలని డిమాండ్​ చేశారు.

ఇదీ చూడండి: ఏప్రిల్ నుంచే ప్రైవేటు టీచర్లకు సాయం