కానాయపల్లి శంకరసముద్రం భూనిర్వాసితుల ధర్నా

శంకరసముద్రం భూనిర్వాసితులు తమకు కేటాయించిన భూమిని రియల్టర్ల చేతి నుంచి తమకే అప్పగించాలని కోరుతూ ఆందోళన చేశారు. కొత్తకోట తహసీల్దార్​, ఇతర అధికారులు వచ్చి వారి సమస్యలు తెలుసుకుని సమస్యను పరిష్కరిస్తామని హామీ ఇచ్చారు.

వనపర్తి జిల్లా కొత్తకోట మండలం కానాయపల్లి శంకర సముద్రం భూనిర్వాసితులు తమ సమస్యలను వెంటనే పరిష్కరించాలని కోరుతూ ఆందోళన చేశారు. గతంలో గ్రామానికి 23 ఎకరాల భూమిని కేటాయించారు. ఆ భూమిని రియల్టర్ల చేతి నుంచి తిరిగి గ్రామానికి అప్పగించాలని కోరారు. 18 సంవత్సరాలు నిండిన ప్రతి ఒక్కరికి ఇంటి స్థలం, షిఫ్టింగ్ కు 5 లక్షల రూపాయలు ఇవ్వాలని డిమాండ్ చేశారు. ఆ భూమి వద్దే టెంట్లు వేసుకుని సామరస్యంగా నిరసన వ్యక్తం చేశారు. కొత్తకోట తహసిల్దార్, ఇతర అధికారులు వచ్చి వారి సమస్యలు తెలుసుకున్నారు.

ఇవీ చూడండి: నీలోఫర్​ ఆస్పత్రిలో "లైట్​ అప్​ రెడ్​" కార్యక్రమం