వనపర్తి మార్కెట్ యార్డు, చిట్యాల, అమడ బాకుల కొనుగోలు కేంద్రాలను పౌరసరఫరాల శాఖ కమిషనర్‌ అకున్ సబర్వాల్ ఆకస్మికంగా తనిఖీ చేశారు. స్థానిక పరిస్థితులను రైతులను అడిగి తెలుసుకున్నారు. ప్రధానంగా ధాన్యం కొనుగోలు, తరలింపు, గన్నీ సంచులు, కేంద్రాల్లో కనీస వసతులు, అకాల వర్షాలు తదితర అంశాలపై రైతుల నుంచి ఆరా తీశారు.
కేంద్రాల్లో ధాన్యం నిల్వలు పేరుకుపోకుండా ఎప్పటికప్పుడు మిల్లులకు తరలించాలని సూచించారు. డిమాండ్‌ మేరకే ధాన్యం తరలింపు కోసం లారీలను తగిన సంఖ్యలో ఏర్పాటు చేయాలని పేర్కొన్నారు. వనపర్తి జిల్లాలో 80వేల మెట్రిక్‌ టన్నుల ధాన్యం లక్ష్యం పెట్టుకోగా ఇప్పటి వరకు 66వేల మెట్రిక్‌ టన్నులు కొనుగోలు చేశామని తెలిపారు..
ఇందుకు అవసరమైన 20 లక్షల గన్నీ సంచులను కొనుగోలు కేంద్రాల్లో సిద్ధంగా ఉంచినట్లు ఆయన వివరించారు. రాష్ట్రంలో ఇప్పటి వరకు 23 లక్షల మెట్రిక్‌ టన్నుల ధాన్యాన్ని కొనుగోలు చేశామని తెలిపారు. ఆకస్మిక తనిఖీలు అన్ని జిల్లాల్లో కూడా కొనసాగిస్తామని..అధికారులు విధి నిర్వహణలో అలసత్వం ప్రదర్శిస్తే కఠిన చర్యలు తప్పవని హెచ్చరించారు.
ఇవీ చూడండి : ముగిసిన వెల్దుర్తి మృతుల సామూహిక ఖననం
