ప్రజలందరూ కుల, మతాలకతీతంగా ఐకమత్యంతో మెలగాలని రాష్ట్ర వ్యవసాయశాఖ మంత్రి నిరంజన్ రెడ్డి సూచించారు. ఇతరుల విశ్వాసాలను గౌరవించాలని తెలిపారు. వనపర్తి జిల్లాలో మంత్రి పర్యటించారు. జిల్లా కేంద్రం నుంచి జగద్గిరిగుట్ట, కొల్లాపూర్కు బస్సు సర్వీసులను ప్రారంభించారు. ఐదోవార్డులో పర్యటించి.. చర్చిలో కేక్కట్ చేసి క్రైస్తవులకు క్రిస్మస్ శుభాకాంక్షలు తెలిపారు.
సమాజానికి మంచి పౌరులను అందించాలనే లక్ష్యంతో రాష్ట్ర ప్రభుత్వం విద్య, వైద్య సదుపాయాలు, సంక్షేమ పథకాలు అమలు చేస్తోందని పేర్కొన్నారు. కార్యక్రమంలో ఇంఛార్జి జిల్లా మైనారిటీ శాఖ అధికారి అనిల్కుమార్, మున్సిపల్ ఛైర్మెన్ గట్టుయాదవ్, పుర కౌన్సిలర్లు, తదితరులు పాల్గొన్నారు.
ఇదీ చూడండి: 'మార్చి నాటికి ప్రతి పల్లెకు తాగునీరు అందిస్తాం'
