అటవీశాఖ అధికారి ఆత్మహత్య

వికారాబాద్ జిల్లాలో ఓ ప్రభుత్వ ఉద్యోగి ఆత్మహత్య కలకలం రేపుతోంది. ఉన్నతాధికారుల వేధింపులే కారణమని కుటుంబ సభ్యులు ఆరోపిస్తున్నారు.

వికారాబాద్ జిల్లా ధారురు మండలం కోటపల్లి ప్రాజెక్టు వద్ద ప్రభుత్వ ఉద్యోగి ఆత్మహత్య చేసుకున్నాడు. అటవీశాఖ రేంజ్ బీట్ అధికారి రాములు పురుగుల మందు తాగి బలవన్మరణానికి పాల్పడ్డాడు. ఆదివారం సాయంత్రం నుంచి ఫోన్​లో అందుబాటులోకి రాలేదు. కుటుంబ సభ్యులు, అటవీశాఖ సిబ్బంది వెతకగా కోటపల్లి ప్రాజెక్టు వద్ద విగతజీవిగా కనిపించాడు. ఉన్నతాధికారుల వేధింపుల వల్లే చనిపోయాడని మృతిని భార్య ఆరోపిస్తోంది. పోలీసులు కేసు నమోదు చేసుకుని దర్యాప్తు చేస్తున్నారు.