కమీషన్ల కోసమే తెలంగాణ ప్రజలకు ముఖ్యమంత్రి కేసీఆర్ అన్యాయం చేస్తున్నారని పీసీసీ కార్యనిర్వాహక అధ్యక్షుడు ఎంపీ రేవంత్రెడ్డి ఆరోపించారు. శాంతియుతంగా లక్ష్మీదేవిపల్లి ప్రాజెక్టు వద్ద నిరసన తెలిపేందుకు వెళ్తే అరెస్ట్ చేశారన్నారు. జలాలను పక్క రాష్ట్రాలకు తరలించుకుపోతుంటే కాంగ్రెస్ పార్టీ తరఫున చూస్తూ ఊరుకోబోమని స్పష్టం చేశారు. కేసీఆర్ ఆటలు సాగనివ్వమని హెచ్చరించారు. పటిష్ఠ కార్యాచరణతో పోరాటం చేస్తామని రేవంత్రెడ్డి తెలిపారు.
కాంగ్రెస్ పార్టీ తలపెట్టిన జలదీక్షకు సిద్ధమైన రేవంత్రెడ్డిని కొడంగల్ పోలీసులు అరెస్టు చేసి వికారాబాద్ జిల్లా కుల్కచర్ల పోలీస్ స్టేషన్కు తరలించారు. రేవంత్ను విడిచిపెట్టాలంటూ కుల్కచర్ల పోలీస్ స్టేషన్కు కాంగ్రెస్ కార్యకర్తలు తరలివచ్చారు. పోలీసులకు వ్యతిరేకంగా నినాదాలు చేసి.. వాగ్వివాదానికి దిగారు. రేవంత్ రెడ్డి విడుదలతో గొడవ సద్దుమణిగింది.
