గ్రామాభివృద్ధే సర్కారు లక్ష్యం: ఎమ్మెల్యే మెతుకు ఆనంద్​

తెరాస ప్రభుత్వ హయాంలోనే గ్రామాలు అభివృద్ధి చెందుతున్నాయని ఎమ్మెల్యే మెతుకు ఆనంద్​ అన్నారు. వికారాబాద్​ జిల్లా మోమిన్​ పేట్​ మండలంలో పలు అభివృద్ధి పనులను ఎంపీ రంజిత్​ రెడ్డితో కలిసి ప్రారంభించారు.

వికారాబాద్​ జిల్లా మోమిన్​పేట్​ మండలంలో ఎంపీ రంజిత్​ రెడ్డి, ఎమ్మెల్యే మెతుకు ఆనంద్​ పర్యటించారు. బాల్​రెడ్డి గూడ, అమ్రాది కుర్డు గ్రామాల్లో నూతనంగా నిర్మించిన సీసీ రోడ్లను ప్రారంభించారు. గ్రామంలో ఏర్పాటు చేసిన సమావేశంలో పాల్గొన్నారు.

ముఖ్యమంత్రి కేసీఆర్​ పిలుపుపై గ్రామంలో ప్రభుత్వం సూచించిన పంటలు మాత్రమే పండిస్తామని రైతులతో ప్రతిజ్ఞ చేయించారు. కార్యక్రమంలో జడ్పీ వైస్ ఛైర్మన్ విజయ్ కుమార్, మోమిన్ పేట్ మండల అధ్యక్షురాలు వసంత వెంకట్, స్థానిక సర్పంచులు, పీఏసీఎస్​ ఛైర్మన్​ అంజిరెడ్డి, విష్ణువర్ధన్ రెడ్డి, తెరాస నాయకులు ఇతర అధికారులు పాల్గొన్నారు.

ఇదీ చూడండి: సమ్మె విరమించిన గాంధీ జూడాలు