వికారాబాద్ జిల్లాకు చెందిన మణిదీపిక అపహరణ కేసులో చిక్కుముడి వీడింది. వికారాబాద్ డీఎస్పీ కార్యాలయానికి చేరుకుని అఖిల్, మణిదీపికలు తమ వాంగ్మూలాన్ని నమోదు చేశారు. అఖిల్ తనను కిడ్నాప్ చేయలేదని మణిదీపిక పోలీసులకు చెప్పింది. ఇష్టపూర్వకంగానే అఖిల్‌తో వెళ్లినట్లు.. గతంలోనే ఇద్దరూ ప్రేమవివాహం చేసుకున్నట్లు తెలిపింది. ఇకపై అఖిల్‌తోనే కలిసి ఉంటానని తేల్చిచెప్పింది.
రెండ్రోజుల క్రితం మణిదీపికను అఖిల్ కారులో తీసుకెళ్లారు. తమ కూతురిని అపహరించారని మణిదీపిక తల్లిదండ్రులు పోలీసులకు ఫిర్యాదు చేయగా... వారు దర్యాప్తు ముమ్మరం చేశారు. 2016లోనే అఖిల్ , దీపికకు వివాహమైందని పోలీసులు నిర్దారించుకున్నారు. వివాహం అనంతరం మణిదీపికను తల్లిదండ్రులు అఖిల్కు దూరం చేశారని తెలిపారు.
వికారాబాద్ కిడ్నాప్ కేసు.. డీఎస్పీ ఆఫీస్లో మణిదీపిక ప్రత్యక్షం
ఇదీ చూడండి: వికారాబాద్లో పంతొమ్మిదేళ్ల యువతి అపహరణ
