'కార్మికుల పోరాటాన్ని అణగదొక్కాలని చూస్తున్నారు...'

ప్రభుత్వ మొండి వైఖరితో ఆర్టీసీ కార్మికుల సమ్మెను అణగదొక్కాలని చూస్తోందని మాజీ మంత్రి ప్రసాద్​ ఆరోపించారు. వికారాబాద్​లో ఆర్టీసీ కార్మికుల 11వ రోజు సమ్మెలో భాగంగా మానవహారం నిర్మించి నిరసన తెలిపారు. ఉద్యోగులకు కాంగ్రెస్​తో పాటు పలు సంఘాలు మద్దతు ప్రకటించాయి.

సీఎం కేసీఆర్​ అహంకార ధోరణితో వ్యవహరిస్తున్నారని మాజీ మంత్రి ప్రసాద్​ విమర్శించారు. వికారాబాద్​లో ఆర్టీసీ కార్మికులు చేస్తున్న సమ్మెకు ప్రసాద్​ మద్దతు తెలిపారు. సమ్మెలో భాగంగా పట్టణంలోని ఎన్టీఆర్​ చౌరస్తాలో కార్మికులు మానవహారం చేపట్టి ఆందోళన చేశారు. వికారాబాద్​ డెవలప్​మెంట్​ ఫోరం, టీఆర్​టీఎఫ్​ తదితర సంఘాలు సమ్మెకు మద్దతు ప్రకటించాయి. ప్రభుత్వం మొండి వైఖరితో... కార్మికుల పోరాటాన్ని అణగదొక్కాలని ప్రయత్నిస్తోందని మాజీ మంత్రి మండిపడ్డారు. ఉద్యోగులు ఆత్మహత్యలకు పాల్పడుతున్నా... కేసీఆర్​ స్పందించకపోవటం దారుణమన్నారు.

ఇవీ చూడండి: సమ్మెలో కార్మికలోకం... సర్కారు చర్చల సంకేతం!