మొన్న కోళ్లు.. నిన్న కాకులు.. ఇవాళ కుక్కలు

మొన్న కోళ్లు... నిన్న కాకులు... ఇవాళ కుక్కలు మృత్యువాత పడుతున్నాయి. కారణం ఏంటో ఆ గ్రామస్థుల్లో భయాందోళన మొదలైంది. ఎందుకిలా చనిపోతున్నాయో అంతుచిక్కడం లేదు. కోళ్లు, కాకులు వరుసగా చనిపోతున్న నేపథ్యంలో ఆ ఊరి ప్రజలను తెలియని భయం వెంటాడుతోంది. పశువైద్యాధికారులను సంప్రదించినా... ప్రయోజనం లేకపోవడం వల్ల ఏం చేయాలో పాలుపోని స్థితి నెలకొంది.

వరుసగా కోళ్లు, కాకులు చనిపోతున్న ఘటన వికారాబాద్ జిల్లా ధరూర్ మండలం దొర్నాల్​లో చోటుచేసుకుంది. గత మూడు నాలుగు రోజుల నుంచి కోళ్లు, కాకులు చనిపోతున్నాయని గ్రామస్థులు ఆందోళన వ్యక్తం చేస్తున్నారు. ఈరోజు కుక్కలు కూడా మృత్యువాత పడ్డాయని తెలిపారు. ఎందుకిలా కోళ్లు, కాళ్లు చనిపోతున్నాయో అర్థం కావడం లేదని గ్రామస్థులు భయపడుతున్నారు.

ఈ అంశంపై పశువైద్యాధికారులను అడిగితే... పౌడర్​ ఇచ్చారని... అయినా కూడా ప్రయోజనం లేకపోయిందని వాపోయారు. అనుమానం వచ్చి ఓ కోడి కోసి చూస్తే పేగులు మొత్తం పాడైపోయాయని గ్రామస్థులు వివరించారు. గ్రామానికి ఏదో కీడు జరిగిందని భయపడుతున్నారు. వందలాది కోళ్లు చనిపోతున్నా ఎవరూ పట్టించుకోవడం లేదని గ్రామస్థులు ఆవేదన వెలిబుచ్చుతున్నారు.

ఇదీ చూడండి : నకిలీ ఫేస్​బుక్​ ఖాతాలతో చాటింగ్​.. ఆ తర్వాత...