'మూసీ సుందరీకరణ కాదు.. శుద్ధీకరణ జరగాలి'

హైదరాబాద్​లో పరిశ్రమల వ్యర్థాలతో మూసీ నది కలుషితం అవుతోందని భాజపా రాష్ట్ర అధ్యక్షుడు లక్ష్మణ్ అన్నారు. మూసీ ప్రక్షాళన చేయాల్సిన అవసరం ఉందని తెలిపారు.

నమామీ మూసీ పేరుతో మూసీ ప్రక్షాళన ఉద్యమాన్ని ప్రారంభించామని భాజపా రాష్ట్ర అధ్యక్షుడు లక్ష్మణ్​ అన్నారు. వికారాబాద్​ జిల్లా అనంతగిరి మూసీ నది వద్ద ప్రత్యేక పూజలు చేశారు.

అనంతగిరి పద్మనాభ స్వామి గుడి నుంచి భాజపా సంకల్పం తీసుకుందని లక్ష్మణ్​ తెలిపారు. మూసీ ప్రక్షాళన విషయంలో మోదీని ఆదర్శంగా తీసుకుంటామని వెల్లడించారు. ఈనెల 16న హైదరాబాద్​ బాపూఘాట్​లో ప్రతిజ్ఞ తీసుకుని, 17న సూర్యాపేటలో కలుషితమైన మూసీని పరిశీలిస్తామని లక్ష్మణ్​ చెప్పారు.

పరిశ్రమలో వ్యర్థాలతోనే మూసీ కలుషితం అవుతోందని లక్ష్మణ్​ పేర్కొన్నారు. మూసీ సుందరీకరణ కాదు.. శుద్ధీకరణ జరగాలని వెల్లడించారు.

• ఇవీ చూడండి:'బంగారు తెలంగాణ చేస్తామంటూ బాకీల తెలంగాణగా మార్చారు'