పెద్దగట్టు జాతర షురూ

తెలంగాణలో అత్యంత ప్రాశస్త్యం కలిగిన పెద్దగట్టు లింగమంతుల స్వామి జాతర సంబురాలు ఆదివారం అర్ధరాత్రి  ప్రారంభం అయ్యాయి. భక్తుల లింగనామ స్మరణతో జాతర పండుగ వాతావరణాన్ని సంతరించుకొంది.

సూర్యాపేట జిల్లా దూరాజ్​పల్లి పెద్దగట్టు లింగమంతులస్వామి జాతర వేడుకలు ఆదివారం అర్ధరాత్రి ప్రారంభమైయ్యాయి. రాష్ట్ర విద్యాశాఖ మంత్రి జగదీష్ రెడ్డి కేసారం గ్రామంలో దేవరపెట్టెకు ప్రత్యేక పూజలు చేసి ప్రారంభించారు. మంత్రితో సహా రాజ్యసభ సభ్యులు బడుగుల లింగయ్య యాదవ్​, సూర్యాపేట జిల్లా కలెక్టర్ అమోయ్​ కుమార్, ఎస్​పీ వెంకటేశ్వర్లుతో పాటు జాయింట్ కలెక్టర్ సంజీవ రెడ్డి దేవర పెట్టెను భుజాన మోశారు. అనంతరం కేసారం గ్రామానికి చెందిన యాదవ, రెడ్డి వంశస్తులు కాలి నడకన దేవర పెట్టెతో పెద్దగట్టుకు చేరుకున్నారు. భేరిచప్పుళ్ళు... కత్తులు.. కటార్లతో యాదవ సోదరుల విన్యాసాలు ఆకట్టుకున్నాయి.

ఇవీ చదవండి:రహదారులపై డేగ కన్ను