సూర్యాపేట జిల్లా హుజూర్నగర్ మండలం శ్రీనివాసపురంలో అధికారులు నిర్లక్ష్యం వల్ల ఉపాధి హామీ కూలీలు తీవ్ర ఇబ్బందులకు గురవుతున్నారు. కనీస సౌకర్యాలు కూడా అధికారులు ఏర్పాటు చేయలేదని కూలీలు వాపోతున్నారు. టెక్నికల్ సిబ్బంది సైతం అందుబాటులో లేరని చెబుతున్నారు. కార్యదర్శి కూడా రోజూ రావడం లేదని కూలీలు ఆరోపిస్తున్నారు.
కొలతలు, లెక్కలు సైతం కూలీలే చూసుకోవాల్సి వస్తోందని కూలీలు తెలిపారు. తమ సంతకాలు పడుతున్నాయో లేదో కూడా తెలియట్లేదని ఆందోళన వ్యక్తం చేస్తున్నారు. ఈ ఇబ్బందులన్ని ఎంపీడీవోకు విన్నవించి... కలెక్టర్ దృష్టి తీసుకెళ్లాలని కోరతామని కూలీలు తెలిపారు.
