పద్మావతిని గెలిపించండి: ఎంపీ కోమటి రెడ్డి వెంకట్ రెడ్డి

పద్మావతి రెడ్డిని గెలిపించాలని కోరుతూ... సూర్యాపేట జిల్లా నేరేడుచర్లలో ఎంపీ కోమటి రెడ్డి వెంకట్ రెడ్డి ప్రచారం నిర్వహించారు.

సూర్యాపేట జిల్లా నేరేడుచర్ల మండల కేంద్రంలో భువనగిరి ఎంపీ కోమటిరెడ్డి వెంకట్ రెడ్డి హుజూర్​ నగర్ ఉప ఎన్నికల్లో భాగంగా పద్మావతి రెడ్డిని గెలిపించాలని కోరుతూ ప్రచారం నిర్వహించారు. ఎన్నికలకు ముందు కేసీఆర్ ఇచ్చిన హామీల్లో ఒక్కటీ నెరవేర్చలేదని ఆరోపించారు. కాంగ్రెస్ ప్రభుత్వ హయాంలో గ్రామానికి 100 ఇల్లు ఇచ్చినట్లు కోమటి రెడ్డి వెంకట్​ రెడ్డి తెలిపారు. కానీ కేసీఆర్ ప్రభుత్వం గ్రామానికో ఇల్లు కూడా ఇవ్వలేదని, గిరిజనులకు 12 శాతం రిజర్వేషన్ కూడా ఇవ్వలేదని మండిపడ్డారు. నా కోసమో.. పద్మావతి కోసమో కాకుండా తెలంగాణలోని నాలుగు కోట్ల ప్రజల కోసం పద్మావతి రెడ్డిని గెలిపించాలని కోరారు.

ఇవీ చూడండి: ఆర్టీసీపై సీఎం కేసీఆర్ ఉన్నతస్థాయి సమీక్ష