హరితహారం మొక్కలను తొలగించిన రైతుకు భారీ జరిమానా

తెలంగాణ ప్రభుత్వం ప్రతిష్ఠాత్మకంగా చేపట్టిన హరితహారంలో నాటిన మొక్కలను తొలగించిన రైతుకు భారీగా జరిమానా విధించిన సంఘటన సూర్యాపేట జిల్లాలో జరిగింది. ఆ రైతుకు ఏకంగా 5,300 రూపాయలను జరిమానాగా విధించారు.

సూర్యాపేట జిల్లా చింతలపాలెం మండలం గాంధీ నగర్ తండా గ్రామపంచాయతీ పరిధిలో హరితహారం మొక్కలను తొలగించిన వ్యక్తికి జరిమానా విధించారు. శ్మశాన వాటిక స్థలంలో నాటిన మొక్కలను అక్రమంగా తొలగించిన అన్నపురెడ్డి వెంకట్​రెడ్డి అనే రైతుకి 5,300 రూపాయల జరిమానాను పంచాయతీ కార్యదర్శి విధించారు. హరితహారం మొక్కలను ఎవరు తొలగించినా నిబంధనల ప్రకారం చర్యలు తీసుకుంటామని తెలిపారు.

హరితహారం మొక్కలను తొలగించిన రైతుకు భారీ జరిమానా

ఇవీ చూడండి: మాతృభాషలో బోధన విద్యార్థులకు ఉపయోగకరం: గవర్నర్