ఈదురుగాలులతో కూడిన వడగండ్ల వాన.. ఎగిరిపోయిన పైకప్పులు

సూర్యాపేట జిల్లా తుంగతుర్తి నియోజకవర్గంలో వడగండ్ల వాన పడింది. ఈదురుగాలుల వల్ల నియోజకవర్గంలో ఓ ఇంటి పైకప్పు ఎగిరిపోయింది. అడ్డగూడూర్​ మండలంలోని ధాన్యం కొనుగోలు కేంద్రంలో ధాన్యం తడిసింది.

సూర్యాపేట జిల్లా తుంగతుర్తి నియోజకవర్గంలో సాయంత్రం ఈదురుగాలులతో కూడిన వడగండ్లవాన పడింది. తుంగతుర్తి మండలం గానుగుబండ గ్రామంలో చేనేత కార్మికుల షెడ్డు పైకప్పు ఈదురుగాలులకు ఎగిరిపోయింది. జాజిరెడ్డిగూడెంలో ఓ ఇంటి పైకప్పు ఎగిరిపోయింది.

నాగారం మండలంలో పిడుగు పడడం వల్ల సుమారు 30 వేల విలువగల గేదె మృతి చెందింది. అడ్డగుడూర్ మండలంలో ధాన్యం కొనుగోలు కేంద్రంలో సుమారు ఐదు వేల బస్తాల ధాన్యం తడిసింది.

ఇవీ చూడండి: రోడ్డుపై కూలిన చెట్లను తొలగించిన ఎస్సై