సూర్యాపేట జిల్లా వర్ధమానుకోట గ్రామాన్ని కట్టడి ప్రాంతంగా ప్రకటించింది ప్రభుత్వం. ఫలితంగా ప్రజలెవరూ నిత్యావసర సరకులకు ఇబ్బంది పడకుండా ఎంపీ కోమటిరెడ్డి తొమ్మిది రకాల సరకులను పంపిణీ చేయించారు. గ్రామంలో అదనపు కలెక్టర్ సంజీవరెడ్డి చేతుల మీదుగా సుమారు వెయ్యి కుటుంబాలకు సరకులు అందించారు.
నిరుపేదలను, కూలీలను ఆదుకోవాలనే ఉద్దేశంతో కూరగాయలు, నిత్యావసర సరకులను ఎంపీ కోమటిరెడ్డి పంపించారని అదనపు కలెక్టర్ అన్నారు. ఎవరికి ఎలాంటి ఇబ్బంది రాకుండా నిత్యావసర సరకులను అందిస్తామన్నారు. ఇంత పెద్ద మెుత్తంలో సరకుల వితరణ చేస్తున్నందుకు ప్రభుత్వం, ప్రజల తరఫున ఎంపీకీ కృతజ్ఞతలు తెలిపారు. ఇంకా ఎవరైనా దాతలు ఉంటే ముందుకు వచ్చి పేద ప్రజలను ఆదుకోవాలని కోరారు.
