COLONEL SANTHOSH BABU:రేపు కల్నల్ సంతోశ్​బాబు ప్రథమ వర్ధంతి.. తల్లిదండ్రుల భావోద్వేగం!

సూర్యాపేట జిల్లాకు చెందిన కల్నల్ సంతోశ్​బాబు అసువులు బాసి రేపటికి ఏడాది కావస్తుంది. ఈ సందర్భంగా సంతోశ్​బాబు తల్లిదండ్రులు తమ మనోవేదనను పంచుకున్నారు. కుమారుడి మరణం ఓవైపు బాధగానే ఉన్నా.. అందరి మనసుల్లో స్థానం సంపాదించుకున్నందుకు గర్వంగా ఉందన్నారు.

గాల్వన్​ లోయలో సూర్యాపేట జిల్లా వాసి కల్నల్​ సంతోశ్​బాబు వీరమరణం పొంది.. ఈ నెల 15కు ఏడాది కావస్తోంది. ఈ సందర్భంగా కల్నల్​ తల్లిదండ్రులు ఈటీవీ-ఈటీవీ భారత్​తో తమ మనోవేదన పంచుకున్నారు.

కుమారుడిని కోల్పోయినందుకు తల్లిదండ్రులుగా బాధగానే ఉన్నా.. సంతోశ్​బాబు అందరి గుండెల్లో సుస్థిర స్థానం సంపాదించుకున్నందుకు గర్వంగా ఉందని భావోద్వేగానికి లోనయ్యారు. తన త్యాగంతో ఎంతోమందిలో స్ఫూర్తి నింపాడని అన్నారు.

మరోవైపు సూర్యాపేటలోని కోర్టు చౌరస్తాకు కల్నల్ సంతోశ్​బాబు కూడలిగా నామకరణం చేయనున్నారు. సంతోశ్​బాబు వర్ధంతిని పురస్కరించుకుని ఆయన కాంస్య విగ్రహాన్ని మంగళవారం మంత్రి కేటీఆర్ ఆవిష్కరించనున్నారు.