తెలంగాణ విమోచన దినోత్సవాన్ని అధికారికంగా జరపాలి

సూర్యాపేట జిల్లా తిరుమలగిరిలో భాజపా రాష్ట్ర అధ్యక్షుడు డా. లక్ష్మణ్​ పర్యటించారు. తెలంగాణ సాయుధ పోరాట అమరవీరులకు నివాళులర్పించారు. విమోచన దినోత్సవాన్ని ప్రభుత్వం అధికారికంగా జరపాలని డిమాండ్​ చేశారు.

తెలంగాణ విమోచన దినోత్సవాన్ని రాష్ట్ర ప్రభుత్వం అధికారికంగా జరపాలని భాజపా రాష్ట్ర అధ్యక్షులు డా. లక్ష్మణ్​ డిమాండ్​ చేశారు. సూర్యాపేట జిల్లా తిరుమలగిరిలోని తెలంగాణ సాయుధ పోరాట అమరవీ‌రుల స్థూపం వద్ద నివాళులు అర్పించారు. అనంతరం ఏర్పాటు చేసిన అమర వీరుల సంస్మరణ సభలో పాల్గొన్నారు. నిజాంకు వ్యతిరేకంగా పోరాడిన యోధుల చరిత్ర బయటికి రాకుండా కాంగ్రెస్​, తెరాస ప్రభుత్వాలు అణచివేస్తున్నాయని ఆరోపించారు. కాలగర్భంలో కలిసిపోతున్న వారి చరిత్రను వెలుగులోకి తీసుకొచ్చే ప్రయత్నాన్ని భారతీయ జనతాపార్టీ చేస్తుందని లక్ష్మణ్​ తెలిపారు.

ఇదీ చూడండి: తెలంగాణ బడ్జెట్... రూ.1,46,492.3 కోట్లు