గుర్రంబోడు తండా ఘటనలో 21 మందిపై కేసు నమోదైంది. వీరిలో ఆరుగురు భాజపా నాయకులకు కోర్టు 14 రోజుల రిమాండ్ విధించింది. సూర్యాపేట జిల్లా మఠంపల్లి మండలం గుర్రంబోడు తండాలో ఆదివారం జరిగిన గిరిజన భరోసా యాత్ర ఘటనలో తీవ్రంగా గాయపడిన కోదాడ ఎస్సై క్రాంతికుమార్ ఫిర్యాదుతో నమోదైంది.
భాజపా రాష్ట్ర అధ్యక్షుడు బండి సంజయ్, దుబ్బాక ఎమ్మెల్యే రఘునందన్ రావు, సూర్యాపేట జిల్లా భాజపా అధ్యక్షుడు బొబ్బా భాగ్యరెడ్డితో సహా 18 మందిపై మఠంపల్లి పోలీస్ స్టేషన్లో కేసులు నమోదయ్యాయి. వీరిలో ఆరుగురిని అరెస్ట్ చేసి కోదాడ మేజిస్ట్రేట్ శ్రీదేవి ముందు హాజరుపరిచారు. జిల్లా అధ్యక్షుడు బొబ్బా భాగ్యరెడ్డితో సహా భాజపా రాష్ట్ర నాయకుడు వేలంగి రాజు మరో నలుగురికి మేజిస్ట్రేట్ 14 రోజుల రిమాండ్ విధించి నల్గొండ జైలుకు తరలించారు.
ఇదీ చూడండి: కబ్జాదారులకు కేసీఆర్ కొమ్ముకాస్తున్నారు : బండి సంజయ్
