'లాక్​డౌన్ ఉన్నన్ని రోజులు నిత్యాన్నదాన కార్యక్రమం'

లాక్​డౌన్ నేపథ్యంలో కొంతమంది దాతలు పేదలకు, కార్మికులకు నిత్య అన్నదానం చేస్తూ తమ సేవా నిరతిని చాటుకుంటున్నారు. ప్రధాని నరేంద్ర మోదీ, ముఖ్యమంత్రి కేసీఆర్ పిలుపు మేరకు హుస్నాబాద్​లో మున్సిపల్ కార్మికులతో పాటు పట్టణంలోని పేద ప్రజలకు నిత్య అన్నదాన కార్యక్రమం నిర్వహిస్తున్నట్లు భార్గవపురం సేవా సమితి సభ్యులు తెలిపారు.

సిద్దిపేట జిల్లా హుస్నాబాద్​లో భార్గవపురం సేవాసమితి ఆధ్వర్యంలో 1983-84 పదవ తరగతి బృంద సహకారంతో మున్సిపల్ కార్మికులకు, పట్టణంలోని పేద ప్రజలకు అన్నదానం కార్యక్రమం నిర్వహించారు. ఈ కార్యక్రమాన్ని మున్సిపల్ ఛైర్మన్ రజిత, వైస్ ఛైర్మన్ అనిత ప్రారంభించారు. భార్గవ పురం సేవాసమితి ఆధ్వర్యంలో 19 రోజులుగా దాతల సహకారంతో అన్నదానం చేస్తున్నామని నిర్వహకులు తెలిపారు. అలాగే అన్నదాన కార్యక్రమాన్ని లాక్​డౌన్ ఉన్నన్ని రోజులు కొనసాగిస్తామన్నారు. ఈ సందర్భంగా భార్గవపురం సేవా సమితి సభ్యులను మున్సిపల్ ఛైర్మన్, వైస్ ఛైర్మన్ అభినందించారు.