సిద్దిపేట జిల్లా దుబ్బాక నియోజకవర్గం చేగుంట మండలంలోని పలు గ్రామాల్లో తెరాస అభ్యర్థి సోలిపేట సుజాతతో కలిసి మెదక్ ఎంపీ కొత్త ప్రభాకర్రెడ్డి ప్రచారం నిర్వహించారు. ఇంటింటికీ తిరిగి తెరాసకు ఓటు వేయాలని అభ్యర్థించారు.
ముఖ్యమంత్రి కేసీఆర్తోనే రాష్ట్ర అభివృద్ధి సాధ్యమవుతుందని ఎంపీ కొత్త ప్రభాకర్రెడ్డి పేర్కొన్నారు. ఎల్లవేళలా అందుబాటులో ఉండేది తెరాస నాయకులేనని తెలిపారు. భాజపా, కాంగ్రెస్ నాయకులు చెప్పే మాయమాటలు నమ్మొద్దని కోరారు. నియోజకవర్గం మరింత అభివృద్ధి కావాలంటే తెరాస అభ్యర్థి సుజాతను గెలిపించాలని విజ్ఞప్తి చేశారు. ఈ ఎన్నికల్లో గెలుపుతో ప్రతిపక్ష పార్టీలకు బుద్ధి చెప్పాలన్నారు. ఈ కార్యక్రమంలో మెదక్ ఎమ్మెల్యే పద్మాదేవేందర్రెడ్డి, మాజీ మంత్రి సునీతా లక్ష్మారెడ్డి, స్థానిక ప్రజాప్రతినిధులు, తదితరులు పాల్గొన్నారు.
ఇదీ చూడండి.. గచ్చిబౌలిలో మరోసారి భూప్రకంపనలు... బ్లాస్టింగ్లే కారణమంటున్న స్థానికులు
