సిద్దిపేట జిల్లా గజ్వేల్లో నాలుగేళ్ల క్రితం చేపట్టిన అడవుల పునరుద్ధరణ పనులను రాష్ట్రంలోని సీనియర్ ఐపీఎస్ల బృందం పరిశీలించింది. వీరికి జిల్లా పాలనాధికారి వెంకట్ రామిరెడ్డి, సీపీ జోయల్ డేవిస్ స్వాగతం పలికారు.
అటవీభూములను కాపాడాలనే ఉద్దేశంతో రూపొందించిన కార్యక్రమం మంచి ఫలితాలనిస్తోందని డీజీపీ మహేందర్ రెడ్డి వ్యాఖ్యానించారు. అనంతరం ఓ కళాశాల ఆవరణలో మొక్కను నాటారు. గతంలో ఎడారిలా ఉండే గజ్వేల్ ఇప్పుడు పచ్చని చెట్లతో కళను సంతరించుకుందని తెలిపారు. కొండపోచమ్మ జలాశయం, కోమటిబండలో నిర్మించిన మిషన్ భగీరథ నిర్మాణాన్ని సీనియర్ ఐపీఎస్ల బృందంతో కలిసి డీజీపీ పరిశీలించారు.
