'కొత్త మున్సిపల్ చట్టం.. ప్రజల చేతుల్లో బ్రహ్మాస్త్రం'

సిద్దిపేట జిల్లా గజ్వేల్ నియోజకవర్గంలోని పలు గ్రామాల్లో మంత్రి హరీష్ రావు పర్యటించారు. పలు అభివృద్ధి పనులకు శంకుస్థాపనలు చేశారు. అనంతరం పట్టణ ప్రగతి కార్యక్రమానికి హాజరై కల్యాణ లక్ష్మీ, షాదీ ముబారక్ లబ్ధిదారులకు చెక్కులను పంపిణీ చేశారు.

ప్రజలకు జవాబుదారితనం రావాలని, ప్రభుత్వ పారదర్శకత పెరగాలనే కొత్త మున్సిపల్ చట్టం చేయడం జరిగిందని మంత్రి హరీశ్​రావు అన్నారు. కొత్త మున్సిపల్ చట్టం ప్రజల చేతుల్లో బ్రహ్మాస్త్రం లాంటిదని అభివర్ణించారు. 'పని చేసే బాధ్యత ప్రజా ప్రతినిధులది.. సహకరించే బాధ్యత ప్రజలందరిది' అని తెలిపారు.

అనంతరం నియోజకవర్గపరిధిలోని 326 మంది లబ్ధిదారులకు కళ్యాణ లక్ష్మీ, షాదీ ముబారక్ చెక్కులను పంపిణీ చేశారు. కార్యక్రమంలో ఎంపీ కొత్త ప్రభాకర్ రెడ్డి, జిల్లా పరిషత్ ఛైర్​పర్సన్ రోజా శర్మ, అటవీ అభివృద్ధి సంస్థ కార్పొరేషన్ చైర్మన్ వంటేరు ప్రతాప్​రెడ్డితో పాటు పలువురు అధికారులు, ప్రజాప్రతినిధులు పాల్గొన్నారు.

ఇవీ చూడండి:ఆ రాష్ట్రానికి ఇక 2 రాజధానులు- సీఎం కీలక ప్రకటన