దుబ్బాక ఉప ఎన్నికల ప్రచారం నేటితో ముగియనుంది. ఈ నేపథ్యంలో సిద్దిపేట జిల్లా రాయపోల్, దౌల్తాబాద్ మండలాల్లో ఆర్థిక శాఖ మంత్రి హరీశ్రావు పర్యటించారు. తెరాస అభ్యర్థి సోలిపేట సుజాతకు మద్దతుగా ప్రచారం నిర్వహించారు. ఈ సందర్భంగా ప్రజలు భారీగా తరలివచ్చి.. డప్పు చప్పుళ్లు, బోనాలతో మంత్రికి ఘన స్వాగతం పలికారు.
భాజపా అబద్ధాల పునాదులపై అసత్య ప్రచారం నిర్వహిస్తోందని మంత్రి విమర్శించారు. భాజపా నేతలు జూట మాటలు చెబుతున్నారని మండిపడ్డారు. ఈ సందర్భంగా దుబ్బాకలో తెరాస గెలిస్తేనే.. నియోజకవర్గం మరింత అభివృద్ధి చెందుతుందని తెలిపారు. భాజపా, కాంగ్రెస్ నేతల డబ్బులకు మోసపోవద్దని, కారు గుర్తుకు ఓటు వేసి సుజాతను భారీ మెజారిటీతో గెలిపించాలని కోరారు.
ఇదీ చూడండి.. 'కేంద్రానికి వెళ్తున్న పన్నుల్లో సగం మాత్రమే రాష్ట్రానికి వస్తున్నాయి'
