కొండపోచమ్మ జలాశయం వెట్​రన్​​ సిద్ధం

సిద్దిపేట జిల్లా ములుగు మండలంలో నిర్మించిన కొండపోచమ్మ జలాశయంలోకి గోదావరి జలాలను ఎత్తిపోసేలా మోటార్లను వెట్ రన్ చేసేందుకు అధికారులు సన్నాహాలు చేస్తున్నారు. సీఎం కేసీఆర్​, మంత్రి హరీశ్​ రావు చేతుల మీదుగా ప్రారంభోత్సవం చేసేందుకు ఏర్పాట్లు చేస్తున్నామని వెల్లడించారు.

సిద్దిపేట జిల్లా ములుగు మండలంలో కొండపోచమ్మ జలాశయంలోకి గోదావరి జలాలను త్వరలోనే ఎత్తిపోసేందుకు అధికారిక కార్యక్రమాలు నిర్వహిస్తున్నట్లు అధికారులు తెలిపారు. ఇక్కడ 72 మీటర్ల ఎత్తుకు నీటిని ఎత్తి పోయాల్సి ఉండటంతో ఒక్కొక్క మోటారు 34 మెగావాట్ల సామర్థ్యం కలిగిన 6 మోటార్లు బిగించారు.

ఈ మోటార్లు తిరిగేందుకు 220 కేవీ విద్యుత్ అవసరం ఉండటంతో అదే మోతాదులో విద్యుత్తు సరఫరా చేసేలా అధికారులు చర్యలు చేపడుతున్నారు.