27 ఫలితాలు..28న సప్లమెంటరీ ఏంటీ?

ఈనెల 27న ఇంటర్ రీ-వాల్యుయేషన్ ఫలితాలు విడుదల చేసి... 28న సప్లమెంటరీ పరీక్షలు నిర్వహించడమేంటని విద్యార్థి సంఘాలు ప్రశ్నిస్తున్నాయి. ఈ నిర్ణయంతో విద్యార్థులు ఆందోళన చెందుతారని తెలిపారు.

సిద్దిపేట జిల్లాలో పలు విద్యార్థి సంఘాలు కలక్టరేట్​ ముట్టడికి యత్నించాయి. పోలీసులు వారిని అడ్డుకుని స్టేషన్​కు తరిలించారు. గ్లోబరీనా సంస్థపై విచారణ జరిపి కఠిన చర్యలు తీసుకోవాలని విద్యార్థి సంఘం నాయకులు డిమాండ్ చేశారు. ఇంటర్ ఫలితాల్లో అవకతవకలు జరిగి నెల గడుస్తున్నా... ఏ అధికారి పైనా, సంస్థలపైనా చర్యలు తీసుకోలేదని ఆరోపించారు. రీ వాల్యుయేషన్ ఫలితాలు, సప్లమెంటరీ పరీక్ష నిర్వహణపై విద్యార్థుల్లో నెలకొన్న గందరగోళంపై స్పష్టమైన నిర్ణయం ప్రకటించాలన్నారు.