తెలంగాణ పల్లె అందాలకు బ్రిటిష్ కమిషనర్​ ఫిదా

తెలంగాణ పల్లె ప్రకృతి అందాలు, వ్యవసాయ పనిముట్లను చూసి తెలుగు రాష్ట్రాల బ్రిటిష్ డిప్యూటీ హై కమిషనర్ ఫిదా అయ్యారు. ఆయన బంధించిన ఫొటోలను ట్విట్టర్​లో పంచుకున్నారు. ఆదివారం ఆయన సిద్దిపేట జిల్లాలోని పలు ప్రాంతాల్లో పర్యటించారు.

తెలుగు రాష్ట్రాల బ్రిటిష్ డిప్యూటీ హై కమిషనర్ ఆండ్రూ ఫ్లెమింగ్ సిద్దిపేట జిల్లాలోని గ్రామీణ వాతావరణం, ప్రకృతి సౌందర్యానికి ముగ్ధుడయ్యారు. ఆదివారం ఆయన సిద్దిపేట జిల్లాలోని పలు ప్రాంతాల్లో పర్యటించారు. ఆయన చూసిన అనేక దృశ్యాలను కెమెరాల్లో బంధించి... ఆ ఫొటోలు ట్విట్టర్​లో పంచుకున్నారు.

రోడ్లకు ఇరువైపులా ఉన్న చెట్లు ట్రీ టన్నెల్ మాదిరి అద్భుతంగా ఉందంటూ ప్రశంసించారు. తన అధికారిక ట్విట్టర్ ఖాతాలో ఆ ఫొటోలను పోస్ట్ చేశారు. పల్లె ప్రకృతి అందాలు, వ్యవసాయ పనిముట్ల చిత్రాలను.. రాష్ట్ర ఆర్థికమంత్రి హరీశ్​రావుకు ట్విట్టర్​లో టాగ్ చేశారు.

ఇదీ చూడండి : కోటిన్నర మొక్కలు నాటే ఛాలెంజ్​కు మహేశ్​​ బాబు మద్దతు