బోరు​ లారీ కింద పడి ఇద్దరు మృతి

ప్రమాదవశాత్తు బోరు లారీ కింద పడి ఇద్దరు యువకులు మృతి చెందిన ఘటన సిద్దిపేట జిల్లా దూదేకులపల్లిలో జరిగింది. కేసు నమోదు చేసిన పోలీసులు విచారణ జరుపుతున్నారు.

సిద్దిపేట జిల్లా చేర్యాల మండలం దూదేకులపల్లిలో గొట్టం శ్రీనివాస్ రెడ్డి వ్యవసాయ బావి వద్ద బోరు వేయడానికి నిన్న రాత్రి బోరు​ బండి వచ్చింది. బోరు వేసిన అనంతరం ఇద్దరు కూలీలు నిద్రించడానికి లారీ కిందకు వెళ్లారు. ఈరోజు ఉదయం 6 గంటల సమయంలో డ్రైవర్ బండిని వెనకకు తీసే క్రమంలో ప్రమాదవశాత్తు బండి కింద నిద్రిస్తున్న ఛత్తీస్​ఘడ్​కు చెందిన పోయామి లక్ష్మణ్(22), ఆలం విజయ్(19)పై నుంచి వెళ్లింది. వారు అక్కడికక్కడే మృతి చెందారు. కేసు నమోదు చేసిన పోలీసులు విచారణ జరుపుతున్నారు.

ఇవీచూడండి: 11 నెలల పసికందును చంపి.. తల్లి ఆత్మహత్య