"మీ రక్షణ కోసమే... కట్టడి ముట్టడి"

ఎల్లప్పుడూ శాంతిభద్రతలను కాపాడుతూ... ప్రజలకు రక్షణగా ఉన్నామని భరోసా కల్పించేందుకు సంగారెడ్డి పోలీసులు కట్టడి ముట్టడి నిర్వహించారు.

సంగారెడ్డి జిల్లా పటాన్​చెరులోని ఆల్విన్​ కాలనీలో కట్టడి ముట్టడి నిర్వహించారు. ఇతర రాష్ట్రాల నుంచి వచ్చి ఇక్కడ నివాసం ఉంటున్న వారి పట్ల అప్రమత్తంగా ఉండాలని కాలనీవాసులకు జిల్లా ఎస్పీ చంద్రశేఖర్​ సూచించారు. ఇల్లు అద్దెకు ఇచ్చే సమయంలో వారి గుర్తింపు కార్డులు తప్పనిసరిగా తీసుకోవాలని ఇంటి యజమానులకు తెలిపారు. ఈ తనిఖీల్లో సరైన ధ్రువపత్రాలు లేని 36 ద్విచక్రవాహనాలు, ఆటో, ఒక కారును స్వాధీనం చేసుకున్నారు. తొమ్మిది మంది అనుమానితులను అదుపులోకి తీసుకున్నారు.

• ఇదీ చూడండి : సాగరతీరంలో సెయిలింగ్​ సందడి