నారాయణ ఖేడ్ శాసనసభ్యులు భూపాల్ రెడ్డి స్థానిక ఏరియా ప్రభుత్వ ఆసుపత్రిని ఆకస్మిక తనిఖీ చేశారు. ఆసుపత్రిని శుభ్రంగా ఉంచకపోవడంపై ఆగ్రహం వ్యక్తం చేశారు. శానిటేషన్ విభాగంలో పనిచేస్తున్నట్లు రికార్డుల్లో ఉండి విధులకు హాజరుకాకుండా జీతాలు తీసుకుంటున్న సిబ్బందిపై వేటు వేశారు. వారి స్థానంలో కొత్త సిబ్బందిని నియమించాలని సూచించారు. పేద ప్రజలకు మెరుగైన సౌకర్యాలు కల్పించాలని, రోగుల నుంచి అక్రమంగా సొమ్ము వసూలు చేయవద్దని సూచించారు. రోగుల గదులు, బాత్రూమ్లు పరిశుభ్రంగా ఉంచాలని... తనిఖీలు చేసే లోపు అందరూ పనితీరు మార్చుకోవాలని సూచించారు.
ప్రభుత్వ ఆసుపత్రిని ఎమ్మెల్యే ఆకస్మిక తనిఖీ
