సంగారెడ్డి జిల్లా పటాన్చెరు పారిశ్రామికవాడలోని ఆక్రమణలను టీఎస్ఐఐసీ అధికారులు తొలగించారు. నియోజవర్గ కేంద్రంలో ఉన్న పారిశ్రామికవాడలో స్థలాలు ఆక్రమించి దుకాణాలు, షెడ్లు వేసి కొంతమంది ఆక్రమించుకున్నారు. చాలా కాలంగా వీటిని తొలగించాలని అధికారులు యత్నిస్తున్నా కొందరు రాజకీయ నాయకుల ఒత్తిడితో చేయలేకపోతున్నారు.
చివరకు గురువారం పటాన్చెరు పారిశ్రామికవాడ ఫేజ్-1లో కొన్ని ఆక్రమణలను జేసీబీ సహాయంతో అధికారులు తొలగించారు. మరికొంతమందికి గడువుతో నోటీసులు జారీ చేశారు. వాడలో ఇకపై ఆక్రమణలను ఉపేక్షించబోమని తెలిపారు.
ఇదీ చదవండి: కళ్లెదుటే కొనఊపిరితో కుమారుడు.. ఫలించని తల్లి ప్రయత్నం
