'గేట్​ ఉత్తమ ర్యాంకర్లకు నేరుగా పీహెచ్​డీల్లో ఫెలోషిప్​..!'

ఎంటెక్​లో ప్రమాణాలు పెంచేందుకు పలు సిఫార్సులు చేసినట్లు ఐఐటీ హైదరాబాద్​ డైరెక్టర్​ బీఎస్​ మూర్తి తెలిపారు. పరిశ్రమ అవసరాలకు అనుగుణంగా ఎంటెక్ కోర్సులు తీర్చిదిద్దామని సూచించారు.

ఎంటెక్​ కోర్సుల ప్రాధాన్యం పెంచేందుకు ఐఐటీల్లో కొత్త విధానాన్ని రూపొందించినట్లు హైదరాబాద్ ఐఐటీ డైరెక్టర్ బిఎస్ మూర్తి వెల్లడించారు. కేంద్ర ప్రభుత్వం ఏర్పాటు చేసిన త్రిసభ్య కమిటీ ప్రతిపాదనలను.. దిల్లిలోని ఐఐటీ కౌన్సిల్​ ఆమోదించినట్లు తెలిపారు. కమిటీలో మూర్తితో పాటు ఐఐటీ జమ్ము డైరెక్టర్​ మనోజ్​ ఎస్​.గౌర్, ఐఐటీ దిల్లీ ప్రొపెసర్​ బాలకృష్ణన్​ ఉన్నారు. ​ఎంటెక్ కోర్సుల్లో ప్రమాణాలు పెంచేలా సిఫార్సు చేసినట్లు మూర్తి తెలిపారు. బీటెక్​తో సమానంగా ఎంటెక్ ఫీజుల పెంపు, గేట్ ప్రవేశ పరీక్షలో ఉత్తమ ర్యాంకులు సాధించిన విద్యార్థులకు నేరుగా పీహెచ్​డీలో ఫెలోషిప్​ ఇవ్వడం, పరిశ్రమ అవసరాలకు అనుగుణంగా ఎంటెక్ కోర్సులను రూపొందించామని అన్నారు.

ఇవీచూడండి: ఆర్బీఐ నుంచి కేంద్రానికి రూ.30వేల కోట్ల మధ్యంతర డివిడెండ్!