గురువారం సాయంత్రం సంగారెడ్డి జిల్లా ఐడీఏ బొల్లారంలోని రసాయన పరిశ్రమలో రియాక్టర్ పేలి అగ్ని ప్రమాదం చోటుచేసుకుంది. ఈ ఘటనలో ముగ్గురు కార్మికులకు గాయాలైనట్లు.. వచ్చిన దిన పత్రికల కథనం ఆధారంగా రాష్ట్ర మానవ హక్కుల కమిషన్ సుమోటోగా కేసు స్వీకరించింది. మెంబర్ సెక్రటరీ తెలంగాణ స్టేట్ పొల్యూషన్ కంట్రోల్ బోర్డు, లేబర్ కమిషనర్కు నోటీసులు జారీ చేశారు.
ఈ ఘటన జరగడానికి కారణాలేంటి, అధికారులు ఎటువంటి చర్యలు తీసుకున్నారు, గాయపడిన కార్మికులకు అందించిన చికిత్స.. వారి స్థితి, వారికందిన సహాయం గురించి జూన్ 24లోగా క్లుప్తంగా నివేదించాల్సిందిగా హెచ్ఆర్సీ ఆదేశించింది.
ఇదీ చూడండి : మృతదేహాలను పరిశీలించిన మంత్రి ఎర్రబెల్లి
