గ్రామ పంచాయతీ కార్మికుల సమస్యలు పరిష్కరించండి

గ్రామ పంచాయతీ కార్మికుల సమస్యలను పరిష్కరించాలని డిమాండ్​ చేస్తూ సంగారెడ్డిలో సీఐటీయూ ఆధ్వర్యంలో కార్మికులు ధర్నా చేపట్టి ప్రభుత్వం దిష్టిబొమ్మను దగ్ధం చేశారు.

సంగారెడ్డి కొత్త బస్టాండ్​ వద్ద గ్రామ పంచాయతీ కార్మికులు ధర్నాకు దిగారు. తమ సమస్యలు పరిష్కరించాలని డిమాండ్​ చేస్తూ సీఐటీయూ ఆధ్వర్యంలో 'ఛలో ప్రగతి భవన్​' అంటూ ర్యాలీ చేపట్టారు. పోలీసులు 29 మంది కార్మికులను, నాయకులను అరెస్ట్​ చేశారు. కార్మికుల అరెస్ట్​ను నిరసిస్తూ సంఘం నాయకులు ప్రభుత్వ దిష్టిబొమ్మను దగ్ధం చేశారు. ముఖ్యమంత్రి గతంలో ప్రకటించిన రూ.8,500 వేతనాన్ని ఇంకా అమలు చేయకపోవడంపై ఆగ్రహం వ్యక్తం చేశారు. సర్కారు ఇప్పటికైనా స్పందించి తమ సమస్యలపై దృష్టి సారించాలని కోరారు.

ఇదీ చదవండిః పైలెట్​ అప్రమత్తతతో ఇండిగో విమానానికి తప్పిన ముప్పు