ప్రజల సహకారంతో లాక్డౌన్ కొనసాగుతోందని... మరో 10 రోజులూ ఇదేవిధంగా సహకరించాలని సైబరాబాద్ సీపీ సజ్జనార్ కోరారు. సంగారెడ్డి జిల్లా రామచంద్రపురం పోలీస్ స్టేషన్ పరిధిలో లాక్డౌన్ పరిస్థితులను ఆయన పరిశీలించారు. చెక్పోస్టులను సందర్శించి వాహన తనిఖీలు నిర్వహించే తీరును అడిగి తెలుసుకున్నారు.
లాక్డౌన్ నిబంధనలు అతిక్రమించిన వారిపై ఇప్పటివరకు సైబరాబాద్ కమిషనరేట్ పరిధిలో 16 వేల కేసులు నమోదు చేశామని ఆయన తెలిపారు. మినహాయింపు ఉన్న సమయంలోనే బయటకు రావాలని సూచించారు. కరోనా నిబంధనలు పాటించాలని కోరారు.
ఇదీ చదవండి: కరోనా చికిత్సకు ఆయుర్వేద మందు కోసం పోటెత్తిన జనం
