లంచం తీసుకున్నాడు.. అనిశా వలలో చిక్కాడు..

సంగారెడ్డి జిల్లా అవినీతి నిరోధక శాఖ అధికారులు మాటు వేసి పట్టాపుస్తకం జారీ చేసేందుకు రైతు నుంచి లంచం తీసుకుంటున్న వీఆర్వోను పట్టుకున్నారు. అతనిపై కేసు నమోదు చేసి దర్యాప్తు చేస్తున్నట్లు డీఎస్పీ రవికుమార్​ తెలిపారు.

పట్టాదారు పాసుపుస్తకం జారీ చేసేందుకు రైతు నుంచి లంచం తీసుకుంటున్న వీఆర్వోను అవినీతి నిరోధక శాఖ అధికారులు వలపన్ని పట్టుకున్నారు. సంగారెడ్డి జిల్లా మోగుడంపల్లి మండలం మన్నాపూర్​ గ్రామానికి చెందిన రైతు అశోక్​రెడ్డి పట్టాదారు పాసు పుస్తకం కోసం మీ-సేవ కేంద్రంలో దరఖాస్తు చేసుకున్నాడు. కానీ అది ఇవ్వడానికి వీఆర్వో అయూబ్​ అబ్దుల్​ రూ. 15వేలు లంచం డిమాండ్​ చేశాడు. రైతు అనిశా అధికారులను ఆశ్రయించాడు. పథకం ప్రకారం రైతు 15 వేలు ఇవ్వడానికి ఒప్పుకున్నాడు. లంచం తీసుకుంటుండగా అధికారులు మాటు వేసి వీఆర్వోను పట్టుకున్నారు. అతనిపై కేసు నమోదు చేసి దర్యాప్తు చేస్తున్నట్లు జిల్లా అనిశా డీఎస్పీ రవికుమార్​ తెలిపారు.