మాన్యగూడ హత్యకేసును ఛేదించిన పోలీసులు

రంగారెడ్డి జిల్లా మాన్యగూడలో జరిగిన హత్యకేసును పోలీసులు ఛేదించారు. ఈ ఘాతుకానికి పాల్పడ్డ నలుగురు నిందితులను అదుపులోకి తీసుకుని రిమాండ్​కు తరలించారు. మరో ముగ్గురు పరారీలో ఉన్నట్లు ఎల్బీనగర్ డీసీపీ యాదగిరి తెలిపారు.

రంగారెడ్డి జిల్లా ఇబ్రహీంపట్నం మండలం మాన్యగూడలో జరిగిన హత్యకేసును పోలీసులు ఛేదించారు. హయత్​నగర్​కి చెందిన జెక్కుల కిషన్ ఆచూకీ లేకపోవడం ఈనెల 6న కుటుంబ సభ్యులు ఇబ్రహీంపట్నం పోలీసు స్టేషన్లో ఫిర్యాదు చేయగా...పోలీసులు కేసు నమోదు చేసుకుని విచారణ చేపట్టారు. అతని బంధువులే హతమార్చినట్లు ఎల్బీనగర్​ డీసీపీ యాదగిరి వెల్లడించారు. ఐలయ్య కుటుంబికులను కిషన్ వేధించేవాడని.. అందువల్లనే చంపేసినట్లు నిందితులు ఒప్పుకున్నట్లు డీసీపీ పేర్కొన్నారు. మెుత్తం ఏడుగురు కలిసి హతమార్చారని పేర్కొన్నారు. ఐలయ్య, సురేష్, నరేష్, శేఖర్​ను రిమాండ్ తరలించినట్లు... శ్రీశైలం, కృష్ణ, నరేష్ పరారీలో ఉన్నారని డీసీపీ వివరించారు. వారి నుంచి ఒక ఆటో, ఒక స్కూటర్​, కత్తులను స్వాధీనం చేసుకున్నారు.

ఇదీచూడండి:కుషాయిగూడ హత్య కేసులో నిందితులు దొరికారు