చుట్టూ కొండలు.. ప్రకృతి అందాల మధ్య రంగారెడ్డి జిల్లా షాద్నగర్కు 8 కి.మీ.దూరంలో సుప్రసిద్ధ శైవ క్షేత్రం రామేశ్వరం కొలువుతీరింది. ఏటా శివరాత్రి సందర్భంగా బ్రహ్మోత్సవాలు, జాతర, స్వామివారి కల్యాణోత్సవాలు కన్నుల పండువగా జరుగుతాయి.
ఇక్కడ వెలసిన శివలింగాన్ని వనవాస సమయంలో స్వయంగా శ్రీరామ చంద్రుడే ప్రతిష్ఠించాడని క్షేత్ర పురాణం చెబుతోంది. ఈ రామలింగేశ్వరుడిని కొలిస్తే కోరిన కోర్కెలు తీరుతాయని భక్తుల నమ్మకం. అందుకే శివరాత్రి సందర్భంగా వివిధ ప్రాంతాల నుంచి వేలాదిగా భక్తులు ఇక్కడికి తరలివస్తుంటారు.
ఈ ఆలయ సమీపంలోనే కొండపైన అమ్మవారి ఆలయం ఉంది. ప్రశాంతమైన వాతావరణం మధ్య కొలువు తీరిన అమ్మవారికి ఏటా శివరాత్రి, దసరా పండుగల వేళ ప్రత్యేక పూజలు జరుగుతాయి.
శివరాత్రికి పెద్ద ఎత్తున వచ్చే భక్తుల సౌకర్యార్థం అన్ని ఏర్పాట్లు పూర్తి చేశారు.
ఇవీ చూడండి: 'వారి గాథలు వినడం కాదు... మనమే చరిత్ర సృష్టించాలి
