రంగారెడ్డి జిల్లా జల్పల్లి మున్సిపాలిటీలోని 20వ వార్డు శ్రీరాంనగర్ కాలనీలో రాష్ట్ర విద్యాశాఖ మంత్రి సబితా ఇంద్రారెడ్డి పట్టణ ప్రగతి కార్యక్రమంను ప్రారంభించారు. పల్లెలు, పట్టణాలు, పచ్చదనం, పరిశుభ్రంగా ఉండాలని మంత్రి సూచించారు. ఈరోజు నుంచి ప్రారంభమై 10 రోజుల పాటు ఈ కార్యక్రమం జరుగుతుందన్నారు.
గాంధీజీ కలలు కన్న రాజ్యం కావాలనే ఉద్దేశ్యంతోనే సీఎం కేసీఆర్ ఈ కార్యక్రమాన్ని తీసుకొచ్చినట్టు తెలిపారు. అధికారులను, నేతలను ప్రజల వద్దకు పంపించి వారి సమస్యలు తెలుసుకొని ప్రణాళిక బద్ధంగా అభివృద్ధి చేయాలన్నారు. ఈ కార్యక్రమంలో జల్పల్లి మున్సిపాలిటీ ఛైర్మన్ అబ్దుల్లా బిన్ అహ్మద్ సాది, వైస్ ఛైర్మన్ ఫర్హాన్ నాజ్, కమిషనర్ అహ్మద్ సఫీ ఉల్లాహ్, ప్రత్యేక అధికారిణి కల్యాణి, రెవెన్యూ సిబ్బంది, కౌన్సిలర్లు, తదితరులు పాల్గొన్నారు.
ఇదీ చూడండి : ట్రంప్ దిష్టి బొమ్మ దగ్ధం.. 'గో బ్యాక్ ట్రంప్' నినాదాలు
