భారీ వర్షాల కారణంగా వరదల్లో చిక్కుకుని మరణించిన వారి కుటుంబాలను ప్రభుత్వం అన్ని విధాలా ఆదుకుంటుందని చేవెళ్ల ఎంపీ రంజిత్రెడ్డి పేర్కొన్నారు. హైదరాబాద్ నగర శివారులోని గగన్పహాడ్ అప్ప చెరువు తెగిపోవడం వల్ల వరదల్లో కొట్టుకుపోయి ఒకే కుటుంబానికి చెందిన నలుగురు మృతిచెందగా.. బాధిత కుటుంబ సభ్యులను ఎంపీ పరామర్శించారు. జరిగిన దుర్ఘటనపై విచారం వ్యక్తం చేశారు.
బాధిత కుటుంబానికి తక్షణ సహాయంగా రూ.50,000 ఆర్థిక సాయం అందజేశారు. ప్రభుత్వం తరఫున రూ.5 లక్షల పరిహారంతో పాటు డబుల్ బెడ్రూం ఇంటిని కేటాయిస్తామని హామీ ఇచ్చారు. కార్యక్రమంలో ఎమ్మెల్యే ప్రకాష్ గౌడ్, స్థానిక తెరాస నాయకులు పాల్గొన్నారు.
