ప్రచారంలో పాల్గొన్న ఎమ్మెల్యే కిషన్​రెడ్డి

పురపాలక ఎన్నికల్లో తెరాస అభ్యర్థులనే గెలిపించాలంటూ తుర్కయంజాల్​లో ఎమ్మెల్యే మంచిరెడ్డి కిషన్​రెడ్డి ప్రచారం నిర్వహించారు.

రంగారెడ్డి జిల్లా తుర్కయంజాల్ మున్సిపాలిటీ పరిధిలోని 10, 11, 12, 21 వార్డుల్లో తెరాస అభ్యర్థులకు మద్దతుగా ఇబ్రహీంపట్నం శాసనసభ్యులు మంచిరెడ్డి కిషన్​రెడ్డి ప్రచారం నిర్వహించారు. స్థానికులతో మాట్లాడి ఆయా వార్డుల్లో ఉన్న సమస్యల వివరాలు తెలుసుకున్నారు.

ఎన్నికల్లో తెరాస అభ్యర్థులను గెలిపిస్తే ఈ ప్రాంతం మరింత అభివృద్ధి చెందుతుందని ఎమ్మెల్యే పేర్కొన్నారు. నియోజకవర్గ పరిధిలోని ఇబ్రహీంపట్నం, తుర్కయంజాల్, పెద్ద అంబర్​పేట్, ఆదిభట్ల మున్సిపాలిటీలను తెరాస కైవసం చేసుకుంటుందని ఆయన ధీమా వ్యక్తం చేశారు.

ప్రచారంలో స్థానిక తెరాస నాయకులు, కార్యకర్తలు, ఆయా వార్డుల అభ్యర్థులు పాల్గొన్నారు.

ఇదీ చదవండి:పెళ్లింట చలిమంటల మర్యాద అదిరింది!