sabitha indra reddy: పేద ప్రజలు ఆత్మగౌరవంతో బతికేవిధంగా రాష్ట్ర ప్రభుత్వం అనేక సంక్షేమ పథకాలను తీసుకొస్తుందని మంత్రి సబితాఇంద్రారెడ్డి తెలిపారు. రంగారెడ్డి జిల్లా మీర్పేట్ కార్పొరేషన్లోని లెనిన్నగర్లో నిర్మాణం పూర్తైయిన 80 డబుల్ బెడ్ రూం ఇళ్లను మంత్రి సబితా ఇంద్రారెడ్డి ప్రారంభించారు. లెనిన్ నగర్లోని మూడున్నర ఎకరాల స్థలంలో 260 మంది లబ్ధిదారులకు 10 బ్లాకుల్లో నిర్మాణం చేపట్టగా... 5 బ్లాకులు పూర్తయ్యాయి.
లాటరీ పద్ధతిలో డ్రా తీయగా.. మొదటి విడతలో 80 మంది లబ్ధిదారులకు మంత్రి సబితా ఇంద్రారెడ్డి చేతుల మీదుగా పట్టాలు అందజేశారు. మిగతా లబ్ధిదారులకు నిబంధనల ప్రకారం ఇళ్లను కేటాయిస్తామని మంత్రి తెలిపారు. 2 లక్షల 84 వేల డబుల్ బెడ్రూం ఇళ్లను రాష్ట్రంలో మంజూరు చేసినట్టు పేర్కొన్నారు. హైదరాబాద్ చుట్టుపక్కల లక్ష డబుల్ బెడ్ రూమ్ ఇళ్లు పూర్తయ్యే దశలో ఉన్నాయని మంత్రి తెలిపారు. ఈ కార్యక్రమంలో మేయర్, డిప్యూటీ మేయర్, అధికారులు, నాయకులు తదితరులు పాల్గొన్నారు.
ఇదీ చూడండి:
