కేసీఆర్.. కేరళ సర్కారులా మీరూ 'సుప్రీం'కెళ్లండి: అసదుద్దీన్

పుర ఎన్నికల ప్రచారం ఊపందుకుంది. రంగారెడ్డి జిల్లా జల్​పల్లి మున్సిపాలిటీలో మజ్లిస్​ పార్టీ ఏర్పాటు చేసిన బహిరంగ సభకు అసదుద్దీన్​ ఒవైసీ హాజరయ్యారు. ఎంఐఎం అభ్యర్థులను గెలిపించాలని  ఓటర్లను అభ్యర్థించారు.

రంగారెడ్డి జిల్లా జల్​పల్లి మున్సిపాలిటీలో మజ్లిస్​ పార్టీ ఎన్నికల ప్రచారం నిర్వహించింది. జల్​పల్లి పురపాలికలోని షాహీన్​నగర్​లో జరిగిన బహిరంగ సభకు ఎంఐఎం అధినేత అసదుద్దీన్​ ఒవైసీ హాజరయ్యారు.

కేరళ ప్రభుత్వం తరహా తెలంగాణ సర్కారు కూడా ఆర్టికల్ 131ను ఉపయోగించి కోర్టుకు వెళ్లాలని అసదుద్దీన్​ విజ్ఞప్తి చేశారు. భాజపా ప్రభుత్వం కావాలనే పేద వారిని ఇబ్బందులకు గురి చేస్తోందని ఆయన ఆరోపించారు. పుర ఎన్నికల్లో పోటీచేస్తున్న ఎంఐఎం అభ్యర్థులను భారీ మెజారిటీతో గెలిపించాలని ఓటర్లను కోరారు.

ఇవీ చూడండి: కాంగ్రెస్ సవాల్​ని స్వీకరిస్తున్నా... పుర ప్రచారానికి 'బయటికి' రాను!