రావిర్యాలలో మెగా డెయిరీ ఏర్పాటుకు అడుగులు..

రాజధాని హైదరాబాద్ శివారు ప్రాంతం రంగారెడ్డి జిల్లా మహేశ్వరం మండలం రావిర్యాల గ్రామంలో మెగా డెయిరీ కోసం ప్రభుత్వం స్థలం కేటాయించింది. అద్దె ప్రాతిపదికన ఈ భూమి కేటాయిస్తూ పశుసంవర్థక శాఖ కార్యదర్శి అనితా రాజేంద్ర ఉత్తర్వులు జారీ చేశారు.

ఎట్టకేలకు మెగా డెయిరీ ఏర్పాటుకు అడుగులు పడుతున్నాయి. రాజధాని హైదరాబాద్ శివారు ప్రాంతం రంగారెడ్డి జిల్లా మహేశ్వరం మండలం రావిర్యాల గ్రామంలో మెగా డెయిరీ కోసం ప్రభుత్వం స్థలం కేటాయించింది. సర్వే నంబరు 1/1 ఐమర్త్ కంచలో పశుసంవర్థక శాఖకు చెందిన 32.20 ఎకరాల విస్తీర్ణం భూమిని తెలంగాణ రాష్ట్ర పాడిపరిశ్రామిభివృద్ధి సహకార సమాఖ్య లిమిటెడ్‌ - టీఎస్‌డీడీసీఎఫ్‌ఎల్‌కు కేటాయించింది.

అద్దె ప్రాతిపదికన ఈ భూమిని కేటాయిస్తూ పశుసంవర్థక శాఖ కార్యదర్శి అనితా రాజేంద్ర ఉత్తర్వులు జారీ చేశారు. మామిడిపల్లి గ్రామ పంచాయతీ పరిధిలోని రావిర్యాలలో పెద్ద ఎత్తున షీప్ బ్రీడింగ్ ఫాం ఏర్పాటు చేసేందుకు సన్నాహాలు సాగుతున్నాయి. ఆ పక్కనే ఈ భూమిని మెగా డెయిరీ కోసం కేటాయించిన దృష్ట్యా నెలకు ఎకరానికి 30 వేల రూపాయలు చొప్పున 99 ఏళ్లపాటు... షీప్ బ్రీడింగ్ ఫాంకు చెల్లించాల్సి ఉంటుంది.

ఈ లీజ్ ... ప్రతి ఏటా 5 శాతం చొప్పున పెరుగుతుంది. ఈ భూమిని ఇతరులకెవరికీ సబ్‌ లీజ్‌కు ఇవ్వకూడదు. త్వరలో పశుసంవర్థక శాఖ మంత్రి తలసాని శ్రీనివాసయాదవ్ సమక్షంలో... పశుసంవర్థక శాఖ సంచాలకులు, టీఎస్ పాడిపరిశ్రామిభివృద్ధి సహకార సంస్థ ఎండీ అవగాహన ఒప్పందం కుదుర్చుకోనున్నారు.

ఇదీ చదవండి : 'సచివాలయ కూల్చివేత ఎలా జరుగుతోంది.. వ్యర్థాల పరిస్థితి ఏంటి?'