హైదరాబాద్ నగర శివారు నార్సింగి పోలీస్ స్టేషన్లో ఓ వ్యక్తి అనుమానాస్పద స్థితిలో మృతి చెందడం కలకలం రేపింది. నార్సింగి గ్రామంలో గత కొంత కాలంగా నయీముద్దీన్, మొయినుద్దీన్కు భూవివాదం జరుగుతుంది. ఈ స్థల విషయం మాట్లాడేందుకు స్థానిక నయీముద్దీన్, అతని సోదరులను అధికారులు పోలీస్స్టేషన్కు పిలిపించారు. ఎస్ఐ శ్రీధర్తో నయీముద్దీన్ మాట్లాడుతుండగా.. ఒక్కసారిగా కుప్పకులాడు. దీనితో వెంటనే బంధువులు స్థానిక ఆస్పత్రికి తరలించగా... నయీముద్దీన్ అప్పటికే మృతి చెందాడని వైద్యులు ప్రకటించారు.
మృతుడి బంధువులు, స్థానిక నాయకులు... నార్సింగి పోలీస్ స్టేషన్కు చేరుకొని ధర్నాకు దిగారు. మృతికి కారకుడైన ఎస్సై శ్రీధర్ను, సస్పెండ్ చేయాలని, ఫిర్యాదు చేసిన వ్యక్తిపై కేసు నమోదు చేయాలని డిమాండ్ చేశారు. మాదాపూర్ ఏసీపీ శ్యాంప్రసాద్ స్పందించి... విచారణ చేసి బాధ్యులపై చర్య తీసుకుంటానని హామీ ఇవ్వటంతో ఆందోళన విరమించారు.
ఇవీ చూడండి: ప్రియుడితో కలిసి భర్తను చంపిన భార్య
