పహిల్వాన్​ చెరువులో చేపపిల్లల్ని వదిలిన ఎమ్మెల్యే

రంగారెడ్డి జిల్లా షాబాద్ మండల కేంద్రంలోని పహిల్వాన్ చెరువులో చేవెళ్ల శాసనసభ్యులు కాలె యాదయ్య 90,000 చేప పిల్లల్ని వదిలారు. మత్స్యకారులు ఆర్థికంగా ఎదిగేందుకు ప్రభుత్వం వారికి చేయూతనిస్తుందని ఆయన తెలిపారు.

రంగారెడ్డి జిల్లా షాబాద్​ మండల కేంద్రంలోని పహిల్వాన్​ చెరువులో చేవెళ్ల ఎమ్మెల్యే కాలె యాదయ్య 90వేల చేపపిల్లల్ని వదిలారు. తెలంగాణ రాష్ట్రం ఏర్పడిన తర్వాత సీఎం కేసీఆర్​ అన్ని కులాల అభివృద్ధికి పాటు పడుతున్నారని ఆయన వ్యాఖ్యానించారు. మత్స్యకారులు ఆర్థికంగా ఎదగాలన్న తపనతోనే.. ముఖ్యమంత్రి చెరువుల్లో ఉచితంగా చేప పిల్లల్ని వదిలే కార్యక్రమం రూపొందించారని అన్నారు.

ఈ కార్యక్రమంలో జెడ్పీటీసీ అవినాశ్​​ రెడ్డి, ఎంపీపీ ప్రశాంతి, పీఏసీఎస్ ఛైర్మన్ చల్లా శేఖర్ రెడ్డి, మార్కెట్ కమిటీ ఛైర్మన్ శ్రీనివాస్ గౌడ్ తదితరులు పాల్గొన్నారు.

ఇదీ చూడండి: ఏడో ఆర్థిక గణాంక సర్వే.. ఉపాధి అవకాశాలు