లారీల మధ్య ఇరుక్కున్న కారు​... 2 కి.మీల మేర ట్రాఫిక్ జామ్​​

హైదరాబాద్‌-విజయవాడ జాతీయరహదారిపై ఓ వింత సంఘటన చోటుచేసుకుంది. డ్రైవర్ల అత్యుత్సాహమో... అతివేగం వల్లనో... రెండు భారీ లారీల మధ్యలో ఓ కారు ఇరుక్కుపోయింది. ఎలాంటి ప్రమాదం జరగకపోయినప్పటికీ... రోడ్డుపైనే వాహనాలు నిలిపేసి డ్రైవర్లు వాగ్వాదానికి దిగటం వల్ల భారీ ఎత్తున ట్రాఫిక్​జామ్​ అయ్యింది.

రంగారెడ్డి జిల్లా అబ్దుల్లాపూర్‌మెట్ సమీపంలోని వంతెన వద్ద ప్రమాదవశాత్తు... 2 లారీల మధ్య ఓ కారు ఇరుక్కుపోయింది. రోడ్డు మధ్యలో నిలిచిపోవటం వల్ల హైదరాబాద్‌ వైపు వచ్చే మార్గంలో వాహనాలకు దారి లేక భారీ ఎత్తున నిలిచిపోయాయి. నీది తప్పంటే... నీది తప్పు అంటూ లారీ, కారు డ్రైవర్లు వాగ్వాదానికి దిగారు.

ఫలితంగా సుమారు 2 కి.మీ. మేర వాహనాలు నిలిపోయాయి. ప్రయాణికులు ఎండలో తీవ్ర ఇబ్బందులు పడ్డారు. ఈ ఘటనలో ఎవరికీ ఎలాంటి ప్రాణనష్టం జరగలేదు. కారుకు ఎలాంటి నష్టం కలగకుండా లారీలను తప్పించే ప్రయత్నం చేశారు.

ఇదీ చూడండి: హైదరాబాద్​ మెట్రోలో పవన్​ కల్యాణ్ షూటింగ్​