రాజన్న సిరిసిల్ల జిల్లాలో పాములు కలకలం సృష్టించాయి. బోయినపల్లి మండలం వెంకట్రావుపల్లి సర్పంచి బూరుగుల నందయ్య ఇంట్లో 15 పాము పిల్లలు కనిపించడంతో స్థానికులు భయాందోళనకు గురయ్యారు.
సర్పంచి నందయ్య ఇంట్లోని తులసి కోట నుంచి ఒక్కొక్కటిగా 15 పాము పిల్లలు బయటికి వచ్చాయి. ఆందోళన చెందిన గ్రామస్థులు వెంటనే వాటిని కర్రలతో కొట్టి చంపారు. గ్రామంలో చిత్తడి పెరగటంతో పాముల సంచారం ఎక్కువైందని స్థానికులు తెలిపారు. చనిపోయిన పాము పిల్లలు ఏ జాతికి చెందినవో అర్థమవ్వక సంశయంలో పడ్డారు.
ఇదీ చదవండి: 'ఆ విషయంలో స్థానికులను ఇబ్బందులకు గురి చేయొద్దు'
